خارجي / نهاري المشهد رقم / 9 داخل مطعم
تفتح الكاميرا على انس وهو
جالس على طاولة في أحد
المطاعم وهو يتناول الغداء
وكأنه يتكلم مع احد جالس معه
تتحرك الكاميرا على الكرسي
المقابل لأنس . و إذا بصورة
لأنس موضوعة على الكرسي
و باقة ورد موضوعة بقرب
الصورة و الكراسين تنظر
إلى أنس باستغراب وهو
يخاطب الصورة بحنان ......
أنس : شو يا عمري إنشاء الله عجبك الغداء ؟ شو
بتحب تشرب بعد الغداء ؟ أكيد شاي صح ؟
بعرف لأني أنا كمان بحب الشاي بعد الأكل.
ثم ينظر أنس حولية وينادي على
أحد الكراسين بحركة رجولية .......
أنس : يا معلم ؟ إذا سمحت ......
يقترب أحد الكراسين من طاولة
أنس وهو مبتسم .......
الكر سون : أتفضل أستاذ ؟
أنس : جبلنا شاي إذا سمحت .
يكتب الكر سون على دفتر الطلبات
الكر سون : ثواني وبكون الطلب عندك أستاذ.
يتحرك الكر سون وهو ينظر إلى
الصورة الموضوعة على الكرسي
باستغراب.
ويعود و هو يحمل الشاي و يضعة
على الطاولة ويصب الشاي بكأس
واحد . فيصرخ علية أنس ويكلمة بعصبية
أنس : شو شايفك جايب كاسة شاي ؟
الكر سون : عفوا" أستاذ ! حضرتك طلبت كاسة شاي ؟
أنس : بعرف إني طلبت شاي . بس حكيتلك جبلنا مو جبلي !
ينظر الكر سون باستغراب و
يخاطبة بهدوء ........
الكر سون : عفوا" أستاذ ؟ بس مالي شايف حدا معك ؟
ولا حضرتك عم تستنى حدا ؟
يخاطبة أنس بعصبية .....
أنس : ليش شو حضرتك موشايف مين قاعد معي ؟
الكر سون بهدوء .......
الكر سون : عفوا" أستاذ ؟ ما في حدا معك على الطاولة ؟
انس بعصبية وغيرة ......
أنس : مالك شايف حدا ؟ لكن ليش عم تتطلع على لقاعد
معي ؟ ولا بحياتك مو شايف واحد و رفيقة ؟
يحمل أنس الصورة و باقة الورد
وهو في عصبية ويتجة خارج
المطعم . مع لقطة على الكراسين
وهم ينظرون إلى أنس باستغراب......
داخلي / ليلي مشهد رقم / 10 غرفة جلوس منزل أنس
تفتح الكاميرا على أنس وهو
جالس على الكنبة ويحمل صورتة
بيدة ويكلمها .........
أنس : وبعدين مع حالتنا ؟ بدنا أنضل هيك ؟ هي إلها علاقتنا
6 أشهر . وأكيد هي الفترة كافية لتعرفني منيح و أنا
عرفتك منيح . شو رأيك احكي مع أبي مشان ......
ويسكت أنس و هو ينظر إلى الصورة
بخجل و يتجة إلى تلفون المنزل و يحمل
السماعة ويطلب الرقم .......
أنس : الو . مرحبا ؟ كيفك بابا ؟ شو أخبارك ؟ كيف ماما و
أخواتي ؟
ثم يسكت أنس وينظر إلى الساعة
ويتلبك ..........
أنس : ليش الساعة وحدة ؟ والله ما انتبهت ! يعني كنت نايم ؟
آسف بابا لأني ايمتك من نومك ؟
وينظر انس إلى الصورة و يوئشر
بيدة ليشرح للصورة أن والدة غاضب
ويكمل حديثة ........
أنس : لا بابا ما في شي بس كنت بدي أحكيلك موضوع صغير
بس مهم ! بصراحة بابا أنا حابب و بدي أتجوز . شو
رأيك ؟
وينظر أنس مرة أخرى إلى الصورة
ويبتسم .......
أنس : لا بابا . هي .... هو...... و الله يا بابا ما بعرف بس المهم
إني بحب يا بابا . يعني و أخيرا" لقيت الشخص لعم دور
علية من زمان .
قطع .........
داخلي / نهاري مشهد رقم /11 غرفة جلوس منزل أنس
تفتح الكاميرا على حمادة وهو
يكلم أنس بحزن .......
حمادة : وبعدين يا زلمة حرام عليك شوف شو صار بحالتك
ألك 6 أشهر على هي الحالة . شغلك وخسرتة ! أهلك
و خسرتهن . يعني بدك أضل هيك ؟
تدخل الكاميرا على أنس وهو
شاحب اللون و لحيتة طويلة
و تتحرك الكاميرا على حيطان
المنزل لتصور عدد كبير من
الصور لأنس معلقة على الحيطان
خلف أنس وعليها علامة الحداد .
يتكلم أنس بحزن ......
أنس : يا زلمة من يوم ما وقع مني و انكسر و أنا ما إلي نفس
بالحياة .
ويبدأ بالبكاء . ويعانقة حمادة
محاولا" اسكاتة و تهدئته .......
........قطع.........
الهدف من هذه اللوحة هو لأبين أن العالم بحاجه لمعجزه لإنهاء هذه الحروب بين دول العالم . التي دمرت الكثيرين و فقد الكثيرين أحبائهم فيها . و أتمنى أن تنتهي هذه الحروب و المشاكل بين الدول على ما فيه خير للعالم .
موضوع: ملاك الحب 
2/27/2009, 11:38 pm
