$$$$$مزايا بنات الاردن $$$$$

موضوع: $$$$$مزايا بنات الاردن $$$$$ 6/20/2009, 7:32 pm

مرحبااااااااااااااا

مع احترامي الهم

مزايا صبايا الاردن

1. أنا وماما زي الصاحبات ، دايماً بحكيلها كل إشي ، ماما بتعرف عنك كل إشي شغل عرط و بس طبعا

2. كلهم شقر وعينيهم‏ ‏لينسيز ملونة يخزي العين . تقول هاي رجعتهم من السويد . بتسألها بتحكيلك شو لينسيز؟هدول عيوني الحئيئيين

3. كلهم ببعتولك المسج التالي : اتصل فيي ما معي رصيد ، و عندي امتحان مش آدره أروح أشتري بطائة

4. لو سألتها عن أحلى سنين بحياتها رح تحكيلك : ما بين 19 و 23 و بتشرحلك كيف كانت حلوة و مجننة شباب الجامعة وكيف كلهم بركضوا وراها و هي ما كانت تعبرهم _.

5.الشاطرة اللي بدها تقهر صاحباتها...بترن عل 1234(رقم مجاني لشركة الموبايل في الأردن) وبتنزل عرط و تخويث
و على آآ حبيبي و شو حياتي و i miss u يا عمري و بشوفك يا baby

6. كلهم أخدوا رخصة السواقة بالواسطة ....و أكيد هذا واضح من البريكات الخبط أو السرعة اللي ما بتتطلع عن 20,أو حزام الأمان اللي بروح ما ينمزع‏ ‏قد ما هو مشدود

7.بالجامعة بتطلب ساندوش لبنه - دايماً لبنه و إذا بدها تغير بتطلب منئوشة زعتر ، و الكولا دايت طبعا بس ترجع على البيت بتقوم بصدر المنسف لحالها ، والله ,بوكلونا على جوع !

8. إذا حاولت تمسك إيدها بعد شهرين صحبة بتسلخك كف بتعمي ضوك ، ومش بعيد تبزق عليك قدام كل الجامعة ، بس إذا لقيتها "صدفة" بعرس ابن خالة عم أمها ، بتضلكوا على البست للصبح ، وبتشبكوا على الدبكة وأعطيني هوارة أبو الحلاني
.....ورووووح...للصبح رقص سلوووو_على أساس فريندز طبعا

9. كلهم بابا بحبهم أكتر وحدة بين إخوانها .... وهي وبابا زي الصحاب و بابا بوخد رأيها بكل إشي

10. أكره إشي عليهم يشوفوك بتحضر مباراة ، بمعنى آخر أكتر إشي بكرهوا كرة القدم ، إلا إذا المباراة فيها إيطاليا أو إنجلترا بتلاقيهم قعدوا و بسطوا يبصبصوا على إجرين مالديني و بيكهام
بهاي معهم حق ، يعني بصراحة مالديني منظر و حسونة الشيخ منظر

11. مريحين بالهم و تنحصر اهتماماتهم في المواضيع التالية :
روجيم: - لازم أنزل كمان خمسين كيلو ،
حومرة وبودرة: - نزلوا حومرة جديدة بطعم الكيوي ،
أووولتك أسشور شعري ولا أعمله كيرلي,
الأكل: - ماما طبخت جاجة محشية تفاح ,
و ما بتغدوا غير ستيك مشوي ،و ما بشربوا غير مي .

الفن: - ما أزكاه brad pitt, رايان شعره بجنن, شفتي أصالة ما أزنخها , مش ألتلك انه بشار بحب سلمى,شفتي صندل نانسي,أحمد الشريف أحلى واحد بالعالم !, لون بشرة اليسا واااااااو, حضرتي كليب جاد شويري ما أفيعوا؟
مو معئولة هالشاكيرا!!!

12. كلهم ما بدخنوا ...بس بابا سمحلهم يأرجلوا عادي

13. عندهم حالة تشابه غريبة : إذا واحدة عملت تاتو تاني يوم كل البنات تاتو ، إذا واحدة حطت خلخال تاني يوم كل البنات خلخال ،إذا وحده صبغت شعرها أخضر تاني يوم بتنزلك موضة الأخضر _...

14.مواصفات حبيب القلب :
فايع و شعره طويل ,معه سيارة حلوة,موبايله آخر موديل,يعزمها كل يوم ع كوفي شوب , وإذا بشبه توم كروز بكون ممتاز

15. بتكون أطفش من حكيها ما في..وكلو قال و غاد و انداري و بديش و قرفانة...بالجامعة بتقلب آآل و هوناك و مو عارفة و ..thank u‎ و كتييير زهئانة

16. دايماً شنتتهم مليانة أشياء زاكية ، إذا جعت بتلاقي معاهم السيفوي بالشنتة شبس ،شوكلاتة ،بسكوت, دروبس ،علكة,سوس

-----------------------------------------------------------------------------------------------

مفاهيم ربما تكون صعبة عليكم:-
عرط:كذب
تخويث:مزح
تسلخك:تضربك
فايع:شاقق الدني بصدره ومش هامه حدا
اطفش :ادفش,اثقل
غاد:هناك
انداري:لا اعرف

موضوع: رد: $$$$$مزايا بنات الاردن $$$$$ 6/21/2009, 2:04 am

يعني مع احترامي للجميع بس ما بطلع لحدا يحكي عن بنات الاردن لانهم كلهم بنات شيوخ بس يعني مو مشكله كله حكي وبتمونو بشو ما بتحكي بتمونووو على الراسسسسسك وعلى كل حال انتو على راسيييييييييييييييييييييييييييييييييييييييييييييي ونا اسف على الازعاجج وذا طلع مني حكي جارح انا اسف لاني ما كنش خصب عني

موضوع: رد: $$$$$مزايا بنات الاردن $$$$$ 6/21/2009, 2:35 am

شكرا على هاذا الموضوع أختي ساحرة

لكن عندي كم تعليق

1- انوا صح ألي هوة مكتوب لكن أنتي متخنيتها اختي ساحرة

2- صح همة بوكولوا سندويشات لبنة طبعا معروف انوا في البيت بسلخوا أكتر من سدر منسف وتنين

..........الى اخره

3- طبعا كمان همة بضلوا دادي ومش دادي دائما لازم يكون الانسان على طبعتوا

4- انا شخصيا ما بحب البنت الي بترجيل لانوا مش لابقلها

5- وانا شخصيا انا بحب البنت تكون جدية كتير مش هيء وميء زي ما في الاردن بتلقي البنت بتورح

على اليمن وعلى الشمال وهي ما بتسوى ألى عشرة قروش يا كبير يا أبن أربد صح ولا شو ............؟؟؟

6- ولزم تكون عند البنت في العالم شخصية ذاتية أنوا لازم ما تقلد حد او أي حد في الالبس او الزينة

7- المكياج هاد بس بتعرفوا شو بساوي يا سيدي همة في حالهم بدهنوا اول وجه وتاني والثالث بعدين

بجيبوا ورق حف (للجدران عشان ينعموا فيه) ......... لا يوجد تكملة انتوا عارفينها ؟....

8- على سيرت السواق ما في بنت في الاردن بتسوق منيح وعنجد انا شوفت في عيني ولا وحدة في

الاردن بتعرف تسوق منيح لانوا بخافوا وزي ما حكت الساحرة انوا واسطة

9- يعني انا بدي احكي شغلة تانية عن التلفون كل بنت زي ما حكت ساحرة كلهم ما بكون معهم رصيد

ليش عشان بتكون مريض او ما في حد من أخونها يجبلها او هية عندها امتحان في الجامعة او او ............

10 - مواصفات صاحب المميز ::..:..:..:.. انا بحكي عن كل الشباب انهم ملائكة بتعرفوا ليش كل واحد منا

كنز لا يعوض ولي بروح ما برجع يا شباب وصبايا صح مش مهم الشكل أنا شخصيا أخر شي بفكر

الشكل لانوا (لا أعتراض على خلق الله) حتى الله جمل الانسان في العقل الذي يفكر فيه وبصراحة انا

بحكي اي شب ممكن يخلي اي بنت تحكي معوا في اقل من 10 ايام لانوا اللسانوا بكون حلوا كتير فا

البنت في الاردن و في العالم بتحب الشب الجريء

وشكرا أخي ساحرة

وانا متأكد انواساحرة حكيت هيك من شوفات ألي بتشوفها

هههههه

تحياتي شاعر فلسطيني

» أزياء بنات "سبور"