غشيم مغازلة ... قصة تموت من الضحك

زائر

نبتدي بسم الله .

وانا في عز النوم :sleep: والسعابيل الافجــأه..رن التلفون.. :lol!:
. وطبعا تلفوننا شايل ابوي منه كل
الارقام .. مهو مخلي الا رقمين التسعه والثمانيه .. يعني مالك الاتدق على
الشرطه ولا الدفاع المدنـي وغيره مافيه :shock: ... المهم اني رفعت السماعه واقول نعم
.. الا وذاك الصوت اللي يرد الروح .. صوت بنت .. واخوكم اذا سمع
صوت بنت اوجعه بطنــه وانواع الاسهال ... وقالت آلو
.. انا ماعاد عرفت وش اقول انشلت براطمي وطلعت كني
ياسر عرفات .. ال ال ال ال لوووو .. قالت .. مين معاي ..؟؟
قلت .. معاكي انا .. (( صراحه جواب يدل على ذكائك ..!! ))
وهي اللي تضحك .. وانا قلبي احسه مهو طبيعي قـالبها
سامري واستنزل عندي الكبد والبنكرياس
انواع الربكه .. وقالت لي .. سوسو موجوده ..؟؟ قلت لها..
ما ينفع حـوحـو ..؟؟ قالت مين حـوحـو ..؟؟ .. قلت ..
هذا اسـم الدلـع حـق ال**** اللي هـو انا .
. !! وضحكت للمره الثانيه على التوالي .. وقالت .. يؤيؤ ..
شكلي غلطانه .. طيب آسفــه ... قلت لها .. لاعادي.. لاشكــر على واجب .
. (( دايم اسمع هالكلمه .. وجالس احتري الفرصه اني اقولها ..!! )) ..
وقفلت السماعه ... :
تصدقون .. ماأدري وش صار فيني .. حسيت بشعقريــره في جسمــي ..
وان افرازات الخشـم عندي زادت .. وان ودي اروح انبطــح في الحوش
واكتب قصيـده هجائيه .. لايكون هـذا هــو الحـب اللي يقولون . :oops: .
(( نعن ابو الحب اللي تعرفه يالضفــدع ..!! :عاد انا ماني متعود على
البنات .. لان ما شاء الله بيتنا فيـه خـمـسـطـعـشـر رجال اللي هم انا
واخواني وابوي وامــي .. ( الله يخلف على ابوك وميمتك هذا وانت اكبر
اخوانك عليه العوض: ))
المهم .. يعني انا واخواني ماشفنا بنت ابــد .. وهذا اللي سبب لنا عقــده
تسمــى العقـده الفيسلوجيـه .. (( من وين جت ذي ..!! ))

المهــم .. انـي قررت انــي اتعرف على بنات ... بس فيــه مشكلــه وحـــده
اللي هـي انـي ماعنــدي اسلوب ابــد ...(( يعنـي وقفـت على الاسلوب ..
نعن ابوك انت عندك الف مشكلـه مو مشكله بس .. واهمها مشكلــة
وجهـــك اللي كنـه لوحة انتبه امامك نقـطة تفتيـش ..!! )) الوكاد اني
مالقيت قدامي الا واحد مـن العيال اسمه عبدوش .. معروف
ان البنات ما يعوقون معـاه .. وانا اللي ألقـط مفتاح سيارتي واروح
لــه الوكاد .. انــي رحــت لعبدوش .. وعلمتــه بوضعـي وان امنيتــي في
الحياة اتعرف على بنـت قبل ما اموت .. (( اخس يالشايب ..!! )::
قال لي .. السالفه بسيطــه .. اذا بغيـت البنـت تحبــك حسـسـها انها
احسـن وحــده فـي العالم ... قلت لـه .. يعنـي كيــف .. يعنـي

..أقولها إنتـي احســن مـن مارادونا...!! وهو
اللي يرفسنـي برجلــه فـي بطنــي .. وقال لي.. انت ثور.. وش دخل
مارادونا يالغبـي .. !! انا قــصدي انـك تحسسها بانوثتها وان مافيه
بنت غيرها في العالم .. قلـت لـه .. برضه

مافهمـت .. يعني تبينـي اذبـح كل البنات واخليها لحالها...!! وهــو
اللي يموه علـي برجلـه ويمحطنــي بيــده علـى جبهتـــي.....وقال لي ..
شوف انت **** .. وماراح تفهـم الا بالدروس العمليــه ... ويطلــع جواله ويــدق .
. وقال لي .. شوف أنا هاللحين باكلـم وحــده..
. وتعلــم .. قلت لـه .. طيـــب ...
وكلم .. وقال .. هلا حياتي هلا عمـري هلا روحي ..
أنا لــؤي حبيبـك ومجنونك .. (( الحمدلله على العقل .. نعن ابوك وين لؤي معــه .
. والله لو أشوف وجهـه في احســن الاحوال بعــد ما اعطيــه غيـر اسم جعـفــر ..
قال ايش قال لـؤي ..!! )) .. : وقام يقول لها..احبــك واموت فيــك ..
انا بدونك مثــل البيـت بدون حاره .. مثل التلفون بـدون حراره ..
مثل السواق بدون سياره .. انا البنـزين وانتــي الشراره . :lol: .
انا الشارع وانتي الاناره ..انا الرومانسيـه وانتـي الاثاره
انا مبنى التجاره العالمي وانتـي الطياره ... ((
قســم بالله اني بغيـت اضمــه وابوسه يوم سمعـت كلامه ..
حسيت بشعور غريب .. نعن ابليسه لو يكلم جدار كان ذاب ))
المهم .. انه خلـص المكالمـه .. والتفـت لي .. وقال لي .. يالله دورك ..
باعطيـك رقـم بنــت وكلمها.. وقول لها نفــس كلامي ...
قلـت لـه بكـل خجـل .. طيـب .. وهو اللي يــدق علــى بنــت ويعطينـــي
الجوال عشان اكلمها... وانا اللي اقول آلو..ويوم سمعــت
صوتها ضاعت علومي .. ونسيـت كل الكلام .. وقلت لها..
بابا فيـــن..!! وما حسـيت الا بذيـك الجزمـه اللي لازقـه في مقفاي...
وقال لي..قـول نفس الكلام اللي قلتـه يالثور...وانا اللي اقول لهـا
...هلا حياتي هلا روحي هلا تعالي..وقالت..طيب وبعــدين...قلت لها..
. انا بدونك مثـل الكيبورد بدون فاره..مثل التقاطع بدون اشاره..
مثـل ال**** بدون ****ه ... مثل السلطـه بدون خياره.. انا
محترف وانتـي نظام الإعاره...انا الولاعه وانتـي السجاره...
انا الددســن وانتـي الغماره... انا الصرصور وانتـي البياره...
انا طوط طوط طوط طوط... قفلـت الخـط في وجهــي....
قال عبدوش..وش فيــك ؟؟.. قلـت لـه..لا ابــد الخــط مشغول...!!
((مايعرف يصرف ابــــد..!!)) ومادريت الا وعبدوش مطلــع لوح فيه
مسامير ودبجنــي فيــه إلين قلــت للعنــز ياخاله...:
المهـم..اني رجعــت للبيـت ودماني تصـب وماليه وجهـي من كثر الطق
اللـي جاني مـن عبدوش00
لدرجة ان اللي يشوفني ما يعرفني..طالع كنـي مسابقـة..
مـن صاحب هــذه الصوره.. اللي يحطونها في المجلات...
وانا اللي ادخـل البيــت بشويش عشان مايشوفني احــد..
واطلـع غرفتي واسكــر الباب وانام...وفـي عــز النوم..
دق جرس التلفون.. وارفع السماعه..الا هـي نفـس البنــت
اللي كلمتنـي اول مره.. قلـت..نعــم..قالت..سوسو موجوده..
قلـت لهـا..شوفي..بيتنا كلــه شباب..ومافيه احـد يبدا اسمـه
بحررف السيــن..انا واخواني كلنا اسمنا خالد..وما فيه الا
اخوي الصغيــر فهــد هو اللي اسمــه نايف ونناديه عبدالرحمـن....
((وش عنــده عادل امام..!!)) والبنــت كررتها ضحكــه.. وقالت
ما شاءالله دمـك خفيــف... (هي تحسبني استهبل مادرت اني دلخ من جد))
وقلــت لها..شكــرا..(( مسوي مؤدب..!!))
وسـألتنـي البنــت..وش تسوي هاللحيــن..؟؟..قلت لها..والله كنـت نايم
...قالت..يؤ يؤ تنام في الليل انــت..!!..قلت..اجــل متـــى انام..؟؟
قالت..لا أنا أنام في النهار واسهر في الليـل...قلـت لها..
ليـش الاخـــت بومـه..!! قاالت..لابس الليل وقـت الرومانسيه..
انت تعرف الرومانسيه..؟؟ قلت لها..لاوالله ما أعرف بنات
انا...!!((مسوي فيها فاهم..!!))
وسألتنـــي..أنت وش اسمــك..؟؟ قلت لهـا مصيول قالت وش معناه..
قلت لها..هذا اسـم كلـب كان عنــد جـدي وسماني ابوي عليـه لانـي اشبـهه
....وسألتها..وانتــي وش اسمــك..قالت..داليدا..قلت لها..
انا ابي اعرف اسمــك مو عيارتك...!!قالت..هــذا اسمــي..!!
(( هذولي البنات..تسألها وش اسمـك..تقول رهـف ولا شوق ولا افنان..ولو
عذري بس انه من جنبها..!! )) سويت فيها اسلوب وقلت لها اني حبيت وحده
بس انتهى هالحب..لان اللي حبيتها خانتني...قالت لي.. من حبيـت..
؟؟ قلت لها..حبيـت عنـز جيرانا..بس انها خانتني مـع تيــس
سوري عشان لـه قــذلـه ...!! المهم..ان البنت قالتلي.. اوكي
اكلمك بكره لان امـي تناديني..قلت مو مشكلــه..
وتطورت العلاقه..وصرنا نكلم بعــض كـل يوم..وانا
انقلــب حالي..ولااحظوا اهلــي انــي تغيــرت .. يعني نكون
جالسين على الغـدا ولا العـشاء وانا ما آكــل .. سارح وانغــف ..
وبعـض المرات انسى اصبعـي داخل خشمــي
ولاحظوا اهلــي انـي صرت مؤدب واقرأ واجد..وانا اقرأ عشان
اعرف كلام جديد في الحـب .. تلقاني اقرأ كتـب الشعــر والحب
والطبـخ..(( لا تستغربون لأن كتب الطبخ اتعلم منها كلام حلو بعـد مثـل
.. ياعسـل,ياحليـب, ياقشطـه,ياكريم كرامل..!!))
احم احمضه صرت ادخـل كتــب ممنوعه للبيـت..مثل كتاب..
ماذا تفعـل في ليلـة الدخلــه..وكتاب..سنـه اولى زواج...
بس المشكله انها ضاعت هالكتـب منــي وصرت اروح
عند بيارة جارنا اللي طافحه واقعـد افكر واتـأمل وارمي
حصى وسط البياره....(( مسوي رومانسي..مثل اللي يجلسون
على البحر ويرمون حصى..!!))
المهم..انه في ليلـه من الملاليل..قالت لي البنـت 00مصيوول..
اوصـفلي شكلــك..!! ياوالله البلشــه..وش اقولها هذي هاللحين..
اقولها اني قرد..اعترف لها بالحقيقه المره واقولها
اني جدار مالي ملامح... اعترف لها اني شبيه عبدالله سليمان
((الف حمد لله وشكر ))الوكاد انـي قلت في نفسي .. ياولد خلني
اسوي مثـل كل الشباب.. وانصـب
عليها يعني تلقـى الواحد من الشباب شين واذا شفته في الشارع
ماتدري هو رايح ولا جاي لان وجهـه ماله معالم..ولو تشوف وجهه
تحسبــه واحد معطيـك مقفاه..يعني مفروض يحـط لوحه على وجهـه
ويكتـب..ترى هذا وجهـي.. عشان الناس مايلخبطون بين وجهه
وقفاه.....وانـا مثلكم واردى بعــد .. انا اذا قابلت احد يجلس ساعه
محتار وين وجهي
من قفاي وما يعرف الا اذا لقـى الورقه..لان فيني ورقه مثل
اللي تجي في الفنايل والسراويل عشان تعرف ورى من قدام...
!! المهـــم..انـي قلـت لهــا.. انا عيوني مثل عيون جواد..
وطولي مثل طلال الرشيـد..وخشمـي
مثـل خشـم خالد عبدالرحمن ..وملحـي مثل ملـح راشد الماجد..
ومهضوم كثير مثـل رامي عياش...((والله ماناقص الا تحط
ملحـن معاهم ويكمـل الااحم احميت..!! ))

زائر

الوكاد..ان البنــت شكلها خقـت معــي وقامت تشاهق من الفرحه
..وسألتها انا وانتي اوصفيلي شكلـك.. .. قالت ..
ما اقدر .. لما تشوفيني بتعرف .. لان مالي شبيـه ..
(( اخسي يا بريتنــي..!! )) .. وانا اللي افـك خشتــي وسعابيلي
تقوطر .. كني كلـب شايف له عظمــه...وقلت لها.. يعني
باشوفك..؟؟ قالت .. اكيــد .. انا بكره باروح شاليهات
اليمامه اللي على طريق الرياض الخرج .. ونتقابل هناك .. قلت
لها.. بس هذيك للعوائل بس .. قالت عاد انت دبر نفسـك ...
قلت اوكي مو مشكلــه بس كيف اعرفك ... قالت بيننا
الجوال .. اذا وصلت كلمني وانا اعلمك وين تلقاني .. قلت لها
خلاص الوعـد هناك ....
المهم .. اني انا توهقت .. وش لون ادخــل الشاليهات وهي للعوايل .
.. وقلت مالي الا عبدوش .. اتصل عليه واتفاهم معاه ... ودقيت عليه .
. ورد علــي وقال بعصبيه .. نعم وش تبـي يالغبـي ..؟؟..
وعلمتــه بالسالفه من سلسل اللين طقاق عليكم ..
((تراني اقصد من طقطق اللين السلام عليكم بس مدلخ شوى ))
وقال لي .. والله صعبـه وش بتسوي .. قلت له .. وش رايك تلبس
عباة وتسوي نفسك حرمه وتروح معي على انك زوجتي ...
وهو اللي يتغير وجهه وقال .. انا ولـد ابوي .. قلت له .. بالله ..
توني ادري .. كنت احسبك ولد ابوي انا ..!! قال ..
تستهبل يالاحم احماله .. انا اسوي نفسي حرمه .. ياويل ويلي ويلاه ..
خيل الخيـل خيالها.. قلت له .. يارجال كلك تبـن لادوس في بطنك ..
جالسين في مضارب
الباديه حنا..!!..قال لي .. لا يا مصيوول هذا شي ما اقدر عليـه ..
وش اقول للجماعه ..؟؟ قلت له .. ومن قالك اننا بنحضر عرس ..
حنا بنروح الشاليهات .. وانت ماراح تكشف وجهــك ابــد .. قال ..
طيب ليش انت ماتسوي نفسـك حرمه وانا الرجال ..!! قلت لـه ..
ياخوي انا ما اقدر .. لاني لا رجال نافع ولا حرمه نافع ..
وبعدين حتى لو غطيت وجهـي بيكشفون اني ماني حرمه من
ريحتــي اللي كنها ريحـة شرابات عزوبي ... قال لي .. خلاص .
. بس لااحد يدري ... قلت لـه .. ابشــر .. بس جهز نفسـك بكره
بامرك ونروح ...
وأخـذت سيارة ااحد من العيال .. ورحــت لبيت عبدوش ولقيت
عنـد بابهم شحاده
وهي اللي تجـي تبي تركب .. قلت لها.. الله يعطينا ويعطيك ياخاله ..
وهي اللي تطق قزازة السياره شوي وت**رها .. وانا اللي اطلع من
جيبـي ريال ونص كنت ناوي اشتري فيـه توكـس.. بس قلت مهو خساره
فيها عشان الله يوفقني .. وتوني افتح الدريشـه باعطيها ..
الا وهي تقول افتح الباب الله ياخذ هالراس ..... الصوت مهو غريب علي ..
يووووه عبدوش.. قال .. ايه عبدوش الله لا يبارك فيك ..
افتح بسرعه قبل ما يطلــع احد من هلـي ... وفتحــت لـه الباب وركب ..
وانطلقنا للشاليهات ...
_المهم وصلنا الشاليهات .... ونزلنا من السياره ..
وامســك يـد زوجتي .. اللي هـي عبدوش ساابقا ... ودفعنا التذاكر ..
ويوم جينا بنـدخل .. وقفنا الحارس اللي على الباب .. وقال ..
لحظــه لازم زوجتك تـدخل محـل تفتيـش النساء لاننا شاكين فيهـا ..
قلت لــه .. ليش في مطار حنا .. تراها شاليهات .. بعدين وش فيها
زوجتي ...؟؟ قال الحارس ... ياخوي وش هالحرمه اللي لابسـه
احم احميريات ....!!!!! وانا اللي اناظر في ارجول عبدوش الا
فعــلا لابس احم احميريات ..!!!! يالله لاتفضحنا بـس ... وانا اللي
قول للحارس ممكن تتركني معا زوجتي .. ابيها في كلمـة
راس .. قال لي ادخل هالغرفه الفاضيه وتفاهم معاها ...
وانا اللي اسحب عبدوش للغرفه .. واترفس في بطنــه وانواعا
الاكواع .. نعن ابوك يالغبي احم احميريات مره وحــده ... قال ..
وش اسوي مالقيت جزمـه كعــب على مقاسي ..... وقلت له ..
اسمع نزل العباة على ارجولك عشان ماأحد ينتبــه يالغبي
المهم .. اننا رجعنا للحارس .. واعتذرنا منه على سوء التفاهم ..
ودفيناه بميـة ريال عشان يسكــت ... واول مادخلنا استاجرت
شاليه صغيـر وقلت لعبدوش يجلــس فيــه .. وانا باروح ادور خويتي
.... وطلعــت .. ودقيــت جوال على خويتي .. ووصفــت لـي مكانها ...
تقول انها عنــد الشجـر اللي جنـب المطعــــم ... وانا اللي اروح هناك
.. واجلـس
ساعتين ادورها ومالقيتها ... وادق عليها جوال قلـت لها ..
وينك فيــه لي ساعتين ادورك ... قالت .. انت ويـنك بالظبــط ؟؟؟..
قلت لها .. انا واقـف جنـب كيـس احم احماله .. وانتـي وينــك ..؟؟ ..
قالت .. انا واقفه جنـب واحد شكلــه مجنون وعليه قل صـح
... وانا اللي التفت وراي .. اوب .. هــذي هــي .... ((
افا طلعـت انا المجنون اللي تقصـده .. وطلعـت هي كيـس الاحم احماله اللي اقصــده ..!! ))

زائر

وهـي اللي تنصـدم .. وقالت .. هــذا انت ..!! وين الوصـف اللي تقول ..
اجل طلال الرشيــد هاه .. امحـق طلاااال اللي تشبـه لـه انـت ...
(( صادتني ان عيووني مثل عيوون خاالد الملا .. وجسمي مثل نبيل شعيل .
. وخشمي مثل عبد المجيد عبدالله ..!! )) .. قلت لهااا ..
لاا اناا فعلا مثل مااقلـت .. بس صاار لي حاادث هوو
اللي اثــر على وجهــي .. ولا اناا كنـت حلوووو ... (( اييه هيــن ..!! ))
قاالت .. موو مشكلــه اهـم شي اسلووبك اعجبنـي .. قلت لهاا ..
اشووى ان اعجبـك شـي فينــي .... وطلـبت منهاا انهاا تووريني
وجههااا .. قااالت .. طيب بس لا يشووفناا احـــد .. واناا اللي
اغطــي عليهاااا .. وقلت لهاا .. يالله بسررعه .... وهـي اللي
ترررفــع الغطوووه .. وانااا اللي اضحـــك ..!! قااالت .. وش
فيــك تضحـــك ..؟؟ قلت لهاا .. يالله عاااد بدوون استهباااال ....!!
قااالت .. وش فيـــك ؟؟ .. قلـت لهااا .. يالله بسرررعه شيلــي القناااع
اللـي على وجهــك لاا تستهبليــن ....!! وهي اللي تقوول .. هــذا وجهــي
الصدقــي يالقررررد ... وانااا اللي انصـــدم واحـس ان الاررض تدوور
فينـــي ... وش ذا الوجـه الشييييين .. اوول مررره اشوووف وجـه
يطلــع منــه ريحــه مخيســه ... نعـن ابووهااا حتـى الشجــره اللـي كناا
واااقفيـن جنبهااا رفعـت ثووبهااا وانحاااشت .. وكل الشجر اللي كاان
حووولنااا انحااش ورااح وقـف في مكاان ثااني بعيــد من شيــن وجهـهاااااا ....!!!
وانا كنـت حااط في باالي كلااام رومااانسي جلست عشرين دولااار
يووم احفظ فيـه .. عشااان اذا شفتهااا اقوووله لهاا .. بس يووم شفت
وجههااا اللي كنـه وجـه وااحد جاالس في مجلس رجااجيل وفيـه
اسهااال ... وضيعت كل الكلااام اللي حفظتـه وقمـت الخبـط في
الكلاااام .... سألتـهااا .. ليـش الغمـص ساااكـن عيووونك ..؟؟
جاااوبتنـي ..مـن الأرق ..!! سألتـهااا .. طيب وش هالببسـي اللـي
مكبووب علـى ثوووبك ..؟؟ جاوبتنـي .. هـذا موووب ببسـي ..
هــذا مـرررق ..!! سألتهـا .. طيب مااعندك غيـر هالثوووب ..؟؟
جاوبتنـي .. الا كااان عنـدي بـس انســرق ..!! سألتهـا .. طيب
ماداامك شينـه وشهـولـه تغاازلين ..؟؟ جاوبتنـي .. اناا كنـت
حلووه .. بس ان وجهـي انحـررق ..!! وسألتنـــي .. وش رايك فيني ..
ما اشبـه باسكاال ..؟؟ جاوبتهـا .. انتـي جسمـك جسـم باسكااال ..
بس الوجـه الله خلـق وفرررق ..!!
المهـم انـي ماقـدرت اتحمـل وجـههـا وقلـت لهاا .. انتـي جــدك الاكبــر
كاان غوووريلا ..؟؟ قاالت لي .. لااا تطنـز انت ووجهــك .. انااا اول
كنـت مصـدقه ان الديناصوراات انقررضت .. بس من يووم شفـت
وجهــك عرررفت ان هالكلاام اشاعااات
اشاعااات ...!!! قلـت لهااا .. شووفي ياآنســه جرااااده .. انااا ودي
اجاااملك واقووولك كلااام حلــو .. بــس وجهــك يقووول مااااااااالك
امـــل ..!! قاالت لي .. والله حتـى اناا بعـد ودي اقوولك كلاام
حلووو .. بس وجهــك ما يساااعد .. وجهـك كنــه دعاااية لاااا للمخدراااااات ..!!
المهــم .. ان كـل وااحد منــاااا تفــل فـي وجـه الثاااني ورحناااا ...
وانااا مـن الصـدمـه توووقف تفكيــري .. كل آماالي واحلاامي
رااحت ادراااج الدواااليب .... وركبــت السيااااره .. ورجعـت للبيــت
واناااا متحــطم .. كنـت متخيــلهاااا مثـل ماياا
نصــري ولااا اليسـااا .. وطلعـت مثــل فطوووومـه ... لااااااااا
خلاااص ماعاااد ابــي اتعرررف على بنااااات ...(( تكفـى آخرر مرره ..
حراام تحطـم قلووب المعجبااات يا رااغب علااامه .. اقول انطم بس))
الوكااااد .. انـي سكررت بااب الغرررفـه .. ونمــت نوومة عدوووكم ..
(( مسووي علووم رجااال ..!!)) وماادريت اليووم الثااني الا باللي يررفس
الباااب .. واناا اللي انقز من فراااشي ... وش الساالفه يالرربع ..
الاا وهوو ابوووي يصاايح .. افتـح يالسمرمـدي .. افتـح لاباارك الله فيــك ...
واناا اللي افتــح البااااب .... الاا وابووي في وجهـي ووجـه ماايطمـن .. ويطلـع ذيـك
العجرررررا من وراااه .. وانواااع التلحيـــط .. واخواااني وامــي
وااقفيـن عنــد البااااب يتفرجوون الانذاااال ... من لقااهاا مصااارعه
على الطبيعــه .... المهم .. ان ابووي شغااال ضررب فيني ويقووول
تتزووج من ورااناا يالخسيــس .. قلت لـه .. والله ما تزوجت ... قاال ..
الااا .. لان الشااليهاات اتصلووا علينااا وقاالوا خـلوا مصيول يجي
يااخذ زووجته اللي نساهاا
امــس ... واناا اللي تضيـع علوومي .. وابي افهـم ابوووي الساالفه ..
بس انــه شغاال ضرررب فينــي .. ماترررك لي فرررصـه .. وبعــد
جـهــد جهيــد قــدرت انفــك مـن ابوووي .. ورحـت لآخــر الغررفـه ..
وياااخذ ابوووي نعااال ويرميهاا علــي ... وانااا اللي اوخــر عنهااا
بـسرررعـه وامسكهــااا بفمــي ...(( متأثررر بالأفلاااام ..!! ))
واخواااني يووم شااافوووني
سوويت هالحررركـه وهـم اللي يصفقوون ويصفرووون لــي ...
واناا اللي اتحمــس .. وانـط على ابوووي وامسـكــه مسـكــه منوووومــه
.. (( خربهاا الغبـي مع ابوووه ..!!
وينـط وااحد مـن اخوااني ويمسـك يـد ابووي ويرفعهااا اول
مرره وطااحت ويرفعهاا ثاااني مررره وطاااحت .. ويرفعهااااا
ثااالث مررره وطاااحــ... لاااا لاااا لااا لااا غيـر معقووول ...
رفـع ابووي يــده وقاام يأشرر باصبعــه يعني لااااا ترااني مانمــت ....!!
ويووم شفتــه مانااام .. وانااا اللي اقووم وامسـك ارجووله .. واسوووي
لـه حررركـه مقصيــه عشاان
يستسلــم .. بس ما استسلم .. واخوااني يقنعوونه انــه يستسلــم بــس هــو
عنيــد يحااول يـزحـف عنــد الحباال .. بس اناا مااخليتــه ينفــس ... وفجــأه .
. اوووه .. لااا تــدخل خااارجي ... امــي جااابت المقلاااة ومحطتنــي علــى
جبهتـــي محطــه مــدوووويه ... وتدخلوووا اخوااني ومسكــوا امــي وطلعوووها
براا الحلبــه .. ((عائله دلووووخ ))
المهم انــي دخــت وماعااد ادرري ويـن انااااا وطحــت مكاااني ..
ويزحـف ابووووي بشووويش .. ويحـط يــده على صــدري .. ويعدوون اخوااااني
.. وااحد .. اثنيـن .. ثلاااثـه .... فااااز ابوووووووي هييييييييييييييييه ..
((الحمد لله والشكر))

المهم اني فهمت ابوى الساالفه ((ما اصلح في جرياات ابد اعلم واكع
على طووول)) :P ونمر بيت ابو عبدووش ونعلمه وانواع التمحيط فيني
المهم انا وصلنا الشااليهات وقلت له معى لك مفاجأه وهو اللي يضحك
قال والله اني خاابرك ذيب ما تترك خويك كذاا الرجال ولا بلاشوو
وان اقول في صدرى ايه هين وهو يقول اكيد بتعرفني على وحده من
خواتها قلت ايه اانا بعرفكعلى وحده صحيه 00 وهو يبي يشوف
المفاجأه بيفصخ العبااه قلت لها خلها عليك كذا احسن((انواع النذااله فيني))
وصلنااا السيااااره .. الاا وابووو عبدووووش مااسك مفــك العجـل فـي
يــده يحتــري ولــده ... وعبدووش مـن هووول الصــدمه ماعااد شاالته
رجليــه .. طااح مكااانه وقااام يصيـــح ويولول ... واستلمــه ابوووه
انوااع تفقيــع الوجــه وانوااع الترررفيع
والتنزيــل .... واناا جاالس اتفرررج ومبسوووط .. ومااادريت الا
وابووووي مااسكني وانواااع الررركب .. واناا اللي اصيــح فيــه ..
هيه يابوو الشبااااب .. حلى هــي ..!! تووك طاااقني قبـل شوووي ...!!
قاال ابوووي ... اييه صحيح .. بس عيـب الرجاال يطـق ولــده واناا جااالس
اتفررج .. لاازم اسوووي شـــي اناا بعـــد ...(( لاا صرااحه ان ابوووي فااهم
في الاصووول .. طاالع لي ..!! ))
المهم .. عقــب الطــق اللي كليتـــه اناااا وعبدوووش .. تزاااعلنااااا
مـع بعــض .. وانااا حرررمت اتعرررف على بنااااات .. ومثل مااقاال
المثــل .. ابعـــد عــن الشرر ياااعمرري وغني لوووووه .. ودان دان لداانه
داان واااويلوووه مشكلني حبك يارووح الرووح مشكلنـــي ..
يااالبيه يالبناااات اللي مع رااشد في الفيديوو كليـب .. ارووووووح
طحينيــه معاااهم ... ((شكله ماتاب ناوي ينطق مره ثانييه )

إنشاء الله أعجبتكم